Kəskin və xroniki xəstəliklərin müalicəsi

Kəskin hallar

Qızdırma, öskürək, qusma, ishal, qarın ağrısı, qulaq ağrısı, dəri səpkiləri kimi kəskin şikayətlərdə müayinə və lazım olduqda laborator qiymətləndirmə aparılır, müalicə planı izah olunur. Qusma və ishal zamanı əsas məqsəd susuzlaşmanın qarşısını almaqdır.

Xroniki və təkrarlanan problemlər

Qəbizlik, iştahsızlıq, təkrarlanan tənəffüs yolu infeksiyaları, çəki ilə bağlı narahatlıqlar zaman içində izlənməli olan hallardır. Qəbizlik yüngül problem kimi görünə bilər, amma əslində uşaq üçün çox böyük fəsadlar yarada bilər — nə qədər tez müalicə olunsa, uşaq üçün bir o qədər yaxşıdır.

Simptomatik və dəstəkləyici terapiya

Uşağın vəziyyətini yüngülləşdirən addımlar müalicənin ayrılmaz hissəsidir. Dozalar uşağın yaşına və çəkisinə görə seçilir, valideynə hansı dərmanın nə üçün verildiyi izah olunur. Böyüklər üçün nəzərdə tutulan dərmanlar uşaqlara verilmir.