Yenidoğulmuşda tez-tez rast gəlinən hallar

İlk aylarda valideynləri ən çox narahat edən bir neçə hal var. Onların bir hissəsi fizioloji haldır və müalicə tələb etmir.

Göz yaşı kanalının anadangəlmə darlığı

Göz yaşını buruna aparan kanalın dar və ya bağlı olması yeni doğulan körpələrdə tez-tez rast gəlinir; iltihab qoşulduqda bu, dakriosistit adlanır.

• Göz yaşarması
• Göz küncündə selik və ya irin
• Səhərlər kirpiklərin yapışması

Nə etmək olar: göz gigiyenasına diqqət etmək, göz yaşı kanalına masaj etmək və bəzi hallarda damcı istifadə etmək — yalnız həkim təyinatı ilə. Masaj texnikasını qəbulda göstərirəm.

Göbək yırtığı

Göbək yırtığı körpələrdə çox rast gəlinən haldır. Adətən qarın divarı tam möhkəmlənmədiyi üçün yaranır.

• Körpə ağlayanda və ya gücənəndə daha çox görünə bilər
• Əksər hallarda 1–2 yaşa qədər öz-özünə bağlanır
• Uşağa adətən ağrı vermir

Monqoloid ləkəsi

Monqoloid ləkəsi asiyalı və yerli amerikalı uşaqların 90%-dən çoxunda, qaradərili körpələrin təxminən 80%-ində və latınamerikalı uşaqların 70%-ində rast gəlinir. Avropoid irqinə mənsub uşaqlarda isə bu göstərici 10%-dən az hallarda qeydə alınır.

Əksəriyyətində ləkələr həyatın ilk ilində solmağa başlayır və 5–6 yaşlarında tamamilə yox olur; daha nadir hallarda bu, cinsi yetkinlik dövrünün başlanğıcına qədər uzana bilər. Ləkələrin 3%-dən az hissəsi yetkinlik yaşında qalır.

Kandidoz stomatit

Kandidoz stomatit göbələk mənşəli infeksiyadır və düzgün müalicə ilə adətən tez sağalır. Preparat seçimi düzgün olduqda nəticə yaxşı olur.

Başın arxasında saç tökülməsi

Pediatriyada ən çox rast gəlinən miflərdən biri də başın arxasında saç tökülməsini raxitlə əlaqələndirməkdir. Əslində bu yalançı simptomdur: həyatın ilk aylarında körpə çox vaxt arxası üstə uzandığı üçün başını döşəyə sürtür və saçlar seyrələ və ya tökülə bilər. Bu fizioloji haldır və raxit ya D vitamini çatışmazlığı demək deyil.